Dem däda mir drfir dao

■ Onstmettingen trifft Hamburg: Ein Schwabe kann sich auch auf dem Rathausmarkt wohlfühlen – solange das Stuttgarter Weindorf dort gastiert

taz: Herr Schäufele, Sie sind eigens aus dem schwäbischen Albstadt-Onstmettingen angereist, um das Stuttgarter Weindorf auf dem Rathausmarkt zu besuchen. Wie ist Ihr erster Eindruck?

Herr Schäufele: Des isch indiskudabl. Wisset Sie, was do isch? An Ausschank mit badischem Woi. Jetz frog i Sie: Was han denn dui Gelbfiassler auf'r schwäbischa Hocketse zom sucha?

Gelbfiassler? Hocketse?

Gelbfiassler hoißet d'Badenser bei ons, weil se em Mischthaufa romdappet ond gelbe Fiass kriaget. Ond a Hocketse isch, wenn dr Schwob drausa hockt und Woi drengt und Maultascha futtert.

Ihnen behagt also nicht, daß Ihre badischen Landsleute ebenfalls auf diesem Straßenfest vertreten sind?

Noi. Abr d'Fischkepf send no schlemmer. Dia wisset jo net amol, was se do esset. Obwohl, uff oi Art sieht mr no scho, daß's eahne schmeckt. Des isch d'Hauptsach.

Das Glück geht für Sie also durch den Magen.

Ha ja, glücklich macht älles, was durch dr Maga goht. Wisset se, dr Keenich Friedrich von Württemberg, der wo so dick gwä isch und soviel gveschpert hot, der hot amol gsait (versucht sich im Hochdeutschen): Die Gans ischt ein komisches Tier; eine zum Frühstück ischt zuwenig und zwei sind zuviel. Isch des net a Vorbild?

Ja, wunderbar, auch dieses Lokalkolorit, herrlich. Was gefällt Ihnen denn noch, wenn Sie hier flanieren?

Daß älles genau so aussiaht wie en Stuagert. Mr fihlt sich wia drhoim. D'Ständ, s'riacht so, subber. S'oinzig, was mir net paßt, isch, was des do älls koschtet. 24 Mark fuffzich fir an Zwiebelroschtbroda mit Spätzle, 7 Mark fuffzich für a Viertele Trollenger – drhoim dät mr so Grasdackel an Kopf kirzer macha, wenn se des en dr Wirdschaft vrlanga dätet.

Aber Herr Schäufele, das sind wirklich rabiate Methoden!

Verdient hen se's. Wenn oinr soviel will fir sei Gfräß, no ghert er oba ond onda abgsägt und d'Mitte fortgschmissa. Dem däda mir drfir dao.

Häh?

(ungehalten) Dem däda mr's zoiga. Des vertragt sich oifach net mit onsror Sparsamkeit. Hätte mir sonscht d'Maultasch entwickelt? Dr Gipfel der Bescheidenheit: Damit's koinr merkt, wickelt mr s'Floisch in Nudelteig nei.

Was halten Sie von Fisch, Matjes zum Beispiel? Wußten Sie, daß diese leckere regionale Spezialität im Moment Hochsaison hat?

Schmeckt des jetz ao? Ond bsonders: Baßt do an Woi drzua? An schwäbischer Riesleng velleicht? No kennt mr des grad amol ausprobiera.

Interview: Eberhard Spohd

Das Weindorf steht noch bis zum 10. Juli auf dem Rathausmarkt