:
■ A Schwob verzählt
Bei ons im Ländle ischs supper! Mir hond Schpäzzle, Häusle, Viertele, do werd sauber gschafft. Schtabile Verhältnisse, sag i. Wos normal hergoht, also et grad in dene Schtudende-Hochburga z'Tübinga, do hot onser Partei vu der CeDeU, dia hot saubere 60 Prozent Stimma. In onserm Nachbardorf hots aumol 92 Prozent gäba. Weil do fahret dia katholischa Schweschtera vu der Blindenschule, dia fahret dia Blinda ins Wahllokal und führet dena d'Hand. Was moinsch, wo dia ihr Kreuz machet? Nach em Wähla got mer ins „Lamm“ ond sauft zwoi Halbe. Dia zahlt der Herr Abgeordnete, des isch äll Johr Tradition. Oimal hot oiner dia grüne Grasdaggel gwählt, des isch beschtimmt dem Kammerer sei Klärle gwäsa. Dia hot früher amol Hasch gschbrizzt.
Noch em Saufa goht mer zom Essa hoim. I han äll Sonntig mei Freid, wenn i siag, wia sauber onser Stroß isch. Bei ons wird am Samschtig d'Stroß kehret, egal wia's Wetter ischd. Kehrmaschina ond des Glump braucha mir koine. Der Müller Karle, der hots amol öfter vergessa mit seim bsoffena Kopf. Mir hond den packt ond sein dumma Kopf solang in de Wasseroimer druckt, bis der zappelt hot wia a Kaulquapp.
Mir hond etz au a paar Asylanta. I han garnix gega dia Leut, gell, solang wia se schaffet, aber worum miaßet dia Kerle ausgrechnet bei ons leba? Im „Lamm“ isch amol oiner gsessa. Mir hond dem a Halbe zahlt ond a Pärle Bratwurscht. Was moinsch, der Saudaggel hots oifach net fressa wella. „Ich nix Schweinefleisch“, hot der gschria. Der Flaig Sepp, der hot den Kerle am Kraga packt und hot gsait, i zähl bis drei, no isch dia Wurscht gfressa. Was moinsch, wia schnell dia verputzt war. Hond mir glachet!
Mir hond a supper Gmoinschaft, bei ons. Ond mir könnet schaffa. Letzt Johr hond mir's neue Feuerwehrhaus uffbaut. Älle hond gholfa, sogar zwoi Russa hond Schtoiner gschleppt. Beim Richtfest hond mir oin druff gmacht. Mei liabs Herrgöttle! Der Brenner Hansi, der hot sich schbäter uffghängt, der Säggel, der hot sich so zammagsoffa, der hot erscht amol sei Alte verklopft ond isch mit dem sauteura Passat in der Graba gfahra. Hond mir glachet!
So ischs bei ons im Ländle. Schee ischs ond sauber.
Der Kriener Manne
taz lesen kann jede:r
Als Genossenschaft gehören wir unseren Leser:innen. Und unser Journalismus ist nicht nur 100 % konzernfrei, sondern auch kostenfrei zugänglich. Texte, die es nicht allen recht machen und Stimmen, die man woanders nicht hört – immer aus Überzeugung und hier auf taz.de ohne Paywall. Unsere Leser:innen müssen nichts bezahlen, wissen aber, dass guter, kritischer Journalismus nicht aus dem Nichts entsteht. Dafür sind wir sehr dankbar. Damit wir auch morgen noch unseren Journalismus machen können, brauchen wir mehr Unterstützung. Unser nächstes Ziel: 40.000 – und mit Ihrer Beteiligung können wir es schaffen. Setzen Sie ein Zeichen für die taz und für die Zukunft unseres Journalismus. Mit nur 5,- Euro sind Sie dabei! Jetzt unterstützen
