Wiggarl, mia dengan des selbe

Servas Wiggarl, wia i glesen hob, woas du über de Merkel, des schiache Weiberleit, gschriebn host, do hob i mia glei a Weißbier eingschenkt. Oafach super. Endlich amoi oaner, der schreibt, wos mia da herunt dengan. Der ganze Feminstenscheiß, mia kennern’s nimmer da packn. A Weiberleit, des nix gleichschaugt, daugt oafach zu gar nix. Koa Wunder, das de no koane Kinder net hot; do kann se doch koa echta Mo – ned amoi du – überwinden oder gar dabarmen. Ja mei, selber denga wuis ano des Merkel Mensch: wenn bei uns de Weiber denga woin, dann machan des bei uns die Rindviecher, weil de de gresser Kepf hom.

Mei, und was ’d über de Greanern und Sozis geschriebn hast, mei, des is so wahr; brutal! Mia warn’s a liaber no, ois no die Pullover gstrickt haben und eaner Müsli gefressen haben und vo der Abrüstung und vom alternativen Leben dramt hom. Wei kaum wans am Ruder, hot der ganze Scheiß mit dene Biogasanlagen und dem Ökoscheiß ogfangt; Frauenpolitik no dazu, wenn i des scho hör. Soziale Gerechtigkeit, ja Pfui Deifi! Aber, wenn mia am Ruder san, dann zoang ma de Drückeberger im Osten, wia ma mit der Goaß ackert!

Des übern Schröder sei Privatleben hob i a super gfunden; der Bazi hot doch scho sei vierte oder fünfte; freili is des glong, dass er de Doris liebt. Mia Männer wissen doch, wia des geht, oder Wiggarl!?

Des Oanzige, was mia ned gfeun hot, is des, was du über de Konservativen geschribn host; mia hättn koan Charakter ned. Ja merkst du denn net, dass mia des selbe dengan wia du; eigentlich miasatn mia a den gleicha Charakter haben wia du. Apropos, des Weißbier is scho wieder durch, i muaß jetzt zum Brunzen.

Mach nur so weiter, weil es gibt nimmer so vui Aufrechte und Stramme wia di, de genau des schreiben, was mia dengan! Dein Heini aus Altötting HEINRICH SALOMON, Halsbach