D Schwiiz fiiret eme Volksfäscht

D Schwiiz fiiret siin Nazionaalfiirtig am 1. Auguscht mit eme Volksfäscht z Berliin. Vor em Huus vo de Schwiiz am Bulwaar Unter den Linden git s für d Berliiner und für d Turischte Luzerner Nudlesalaat und Zuger Kirschturte z habere. Daas hät d Schwiizer Bootschaft am Dunnschtig aagchündt. Für Underhaltig soorged Alphornblääser und Faaneschwinger. E groossi Wilhelm-Täll-Figuur dient als Dekorazioon. Es isch s sächsti Maal, wo d Schwiiz z Berliin am Nazionaalfiirtig zum e Volksfäscht iiladt. I dem Jaar, es isch de 714. Geburtstaag vo de Alperepublik, stellt sich d Zäntraalschwiiz mit de Kantöön Luzern, Uri, Schwyz, Obwalde, Nidwalde und Zug voor. D Vorberäitig vom Fäscht fangt scho amn Wuchenänd aa. D Schwiizer wänd nu scho 10.000 Porzioone vo irem Älplersalaat mit Magroone serviere – Nudle mit Böle, Öpfelstückli, Späck und Chääs. DPA

Für die Übersetzung ins Züritüütsch danken wir Herrn Dr. Emil Weber.