De viris senibus
Lateinstunde (III): „Alte Männer“. Viri senes sunt suorum unice studiosi, ulciscendi cupidi et perversa sexualitate affecti
„Senex et mare“ – coniunctionem talem Ernest Hemingway scriptor aperte putabat aptam. Verbum Latinum „senex“ tituli huius libri legendum est „senex vir“. In mare – ibi viris, qui aetatem aliquam reliquerunt, aptus locus videtur esse. A culto humano et a humanitate separati senes „equites solitarii“ in mollitia obstinata et obstinatione inflexibile vitam elephantorum suorum unice studiosorum gerant. Viri senes sunt suorum unice studiosi, offensarum memores, ulciscendi cupidi, perversa sexualitate affecti et imprimis putidi.
Quid, si senes a mente deseruntur? Quid, si mare, regiones desertas, cava occulta vel montes distantes relinquunt? Est peius, non sunt, ubi esse deberent: Inter nos sunt! Cur viri ab aetate quadam in carcerem non coniciuntur causa tuti? Censemus publica acta diurna Berolinensia ad iurisdictionem valde pertinuisse. Publica acta diurna viderunt, ne senes in carcerem coniciantur. Qua de causa? Apertum est. Publica acta diurna incarnatione mali perspicue egent, egent viris senibus. Nonne conspexistis mores virorum senum exemplum morum pravorum saepenumero afferri in pad? De excogitationibus (sexualibus) virorum senum vel de ludis cogitandi strategicis vel de musicis virorum senum (dicitur de cantore, poeta modulatoreque Bob Dylan) vel de elegiis anhelosis virorum senum de improbitate iuventus (nonnulli professores partem magnam doctrinae studiosorum declaraverant inertem) vel de multis aliis moribus pravis virorum senum agitur. „Viri senes“ facti sunt locus (in lingua Graeca: topos). Verbis topicis uti nimirum licet scriptori. Sed scriptore locis utiente sunt duo incommoda.
Primum incommodum: Si verbum nuper inventum est locum et si denique nimium frequenter in usum venit, ita locus ilico affert molestiam. Reminiscimur: Cum „angore confici“ esset locus, multi homines mox confecti sunt illo angore, quod aliquis rursus angore confici posset. Quis est, qui non debuisset commotus esse a vastitate sensus mentisque , cum „commotum esse“ factum esset habitus novus, consuetudo?
Non oportet scriptores praeditos locis sine ironia uti. Sed: Nonne oscitatio dicitur sana esse? Ita incommodum non esset incommodum, sed commodum. Secundum incommodum: Loci, qui ad homines pertineant, sunt saepe opiniones praeiudicatae simplices. Forsitan hominum opinionibus praeiudicatis affectorum egeamus, forsitan egeamus hominum, qui nobis inserviant ad hircum peccata suscipientem vel ad exemplum mali. Nigritae, Turci, feminae (cuiusvis aetatis), homophilae feminae virique homophili, errones et alii apti non sunt (de canibus felibusque taceamus et „sus senem“ est causa alia), quia a ratione iusta politica abhorreret. Nullius ira incenderetur a facinoribus feminarum senum (de facinora canum senum rursum taceamus). Manent viri (cuiusvis aetatis, imprimis senes) et capita sola a cute tecta. Quod est mirum: scriptores, qui libenter nobis imagine virorum senum terrent, non sunt feminae, sed, si vere vidi, viri (senes?). Quid animadversio haec dicit?
SCRIPTOR: KLAUS MACKOWIAK
