Wanns Bier schmeckt

Brief des königlich-bayrischen Abgeordneten Josef Filser

An den Gauweiler Peter, Bezirgsvorsitzender in Minchen und Umwöldminisder in Bayern, München

Post daselbst

Mei liaba Freind und Schpezi,

mit Fraid hom mir hier im Himmel vernommen, dass du jeza in die Fußstabbfen vom großen Vorsitzenden Franzjosef treten wuisd und den Breissn in Berlin und Bonn endlich zeigst, wos ein Ochselfiesel (1) ist, indem dass der Streiblmax und der Waigeltheo scho immer den Schwanz einkneifen, wenn der Kohlhelmud bloß an Kabbazzer (2) tut.

Das du die Zähes U über Bayern hinaus ausdähnen wuisd, gfälld dem Straußfranzl gar sehr, indem doß er des auch immer gsagd hod, wenn er dem Kohlhelmud auf seine Quadratlatschn hod treten woilln. Indem dass du noch nicht so erprobt bisd wie unser Franzl, wo in deinem Alter schon einen haufen Schkandale hinter sich ghabd hod, mechten wir dir aber sagen, dass du aufpossn muasd, damit du am End ned wirklich die Zähes U über den Main hinaus ausdehnen musd, denn sonst ham mir lauder Breissn (3) herin, und dann weist du schon, wie die uns ausschmiern wie damois der Bismarck den König Ludwig.

Auch dass ihr die Sudeten und ondere Deitsche im Osden wieder für uns reklamierts, ist eine guate Tat. Aber auch da sagd der Franzl muasd du aufbassn, dass die des net zu ernst nehman und dann alle daherkummen möchtn wie die Polen, wo mir auch blos die Gommunistn ham zwickn woilln, und dann ham sie uns alle rübergschiggt, und jetz hammers (4) da und wissn net, was ma damit machn soilln. Du muast wie unser großer Vorsitznder den Blick noch Süden richten, wo auch der Franzl vui glernd hat, indem dass die Mafia zwar eine blutrinstige Baggasche (5) ist, weil's halt Itaker san, aber sonst saugscheid (6), wie die des mit Rom machen: immer wenns was woilln, tuns so wie wenns einen aufstand machen woillten, und derweil woins allweil nur mehr Geld aus Rom und neue Freiheidn wie mir Bayern auch.

As beste is, sogt der Franzl, wenn du gleichzeidig sogst, dass du die Zähes U in ganz Deitschland ausbreiden wuillsd, aber auch Bayern abtrennen von Deitschland. Dann wissen die Kohlhansel und die anderen überhaupts nicht mehr, was sie duan soilln.

Aufbassn soillst du auch auf die Räbubblikaner von dem Schönhuber. Den mog der Straußfranzl überhaupts nimmer, indem das der so tut, wie wenn er a Rechter is, und derweil war er blos bei der ES-ES, was ein breißischer Haufen war, und ned bei der ES-A wie ein richdiger Mann und Bayer.

Griass mir an Nockerberg (7) und hoit ois Umwöldminisder vor allem das Reinheidsgebod fiers Bier aufrecht, denn da freit sich nicht nur der Franzl, sondern auch der Herrgod (8) da heroben söiber.

Es griaßt dich herzlich

dein

Josef Filser

Königlich-bayerischer

Abgeordneter im Seligenstand

direkt überm Fatikan