HEIDASTURGERD: Noch a Parteilose fir d’ OB-Wahl

STURGERD | D’ Sturgerder SPD schiggt die parteilose Bettina Wilhelm (47) als OB-Kandidadin ens Renna om dr Sturgerder Scheffsessel. Grad isch se erschde Birgermeischterin en Schwäbisch Hall. Anders als dr Fritz Kuhn von de Gräene ond m Werbeprofi Sebastian Turner, der fir d’ Schwarze neigot, isch se eigendlich em Lendle ned so bekannt. Dr SPD-Fraktionsscheff em Landdag, Claus Schmiedel, moint abr logger: „Se isch a guade Wahl, des packt se!“

Seither schafft Bettina Wilhelm als Birgermeischderin fürs Lerna, für Sozialsache ond für Kultur. Am Freidag hod se ihrn Huad en dr Reng gschmissa.

Jetzt send eigendlich die meischde Kandidada bekannt. Endressand isch, dass boide große Parteia mit parteilose Kandidada stächa wellad.