■ Wat ick dorto to seggen heb: Gode Nacht, Helga
Dat geit drum; off de Neederdütsche Spraak dör een europäische Charta unnerstützt worden sall: dorför steit de Charta III för Minnertheitenspraaken: All de norddütsche Landen – van Meeklenborg, Sleswig-Holsteen un Hamborg bit Nedersassen – hefft Ja seggt to disse Charta III. Alleen so kann dortegen angaan wordn, dat uns olle Plattdüts neeit utstarven deit. Dat geit alleen dordör, dat de Börgers begriepen, dat se mit hör Kinner Platt prooten und dat in de Scholen un overall in uns Gesellschaft dat pleegd worden mutt. Dat hefft de Hanseaten besünners nödig. Un de Senaat mutt dorbi helpen.
Abers Bremen steit neeit allen achteran: de Senaat is sogor dortegen! Und besünners de tostännige Kulturressort mit een gröne Senatorin. Ick verstaa de welt neeit mehr: Jüst de Grönen, to de ook ick mi tell. Weern de neeit frauger för Minderheitenschutz?
Dorum bün ick dorteegen angaan. Heel völ anner Lü mit mi. Dagenlang stunn ook de Telefon tüschen Norddütschland un uns in Bremen neeit still ut Angst, dat kun in Bremen scheef loopen. Norddütschland kann sück een Tegenholln van Bremen neeit leisten. So slimm disse Tostand is, so is doch dorbi rutkomen, dat de Plattdütschen markt hebben, dat se unnerbügelt worden sallt. Un so bün sei dor achter kommen, wat de Bremers dat „Platt“ wert is. Alleen de Kultursenatorin begrippt neeit, wat dat politisch – und ook kulturell – bedüden deit. Dorto kann ick bloot seggen: Gode Nacht, Helga! To hopen is nu, dat de Senaat mitnanner noch ton Verstand kummt.
Gerold Janssen
taz lesen kann jede:r
Als Genossenschaft gehören wir unseren Leser:innen. Und unser Journalismus ist nicht nur 100 % konzernfrei, sondern auch kostenfrei zugänglich. Texte, die es nicht allen recht machen und Stimmen, die man woanders nicht hört – immer aus Überzeugung und hier auf taz.de ohne Paywall. Unsere Leser:innen müssen nichts bezahlen, wissen aber, dass guter, kritischer Journalismus nicht aus dem Nichts entsteht. Dafür sind wir sehr dankbar. Damit wir auch morgen noch unseren Journalismus machen können, brauchen wir mehr Unterstützung. Unser nächstes Ziel: 40.000 – und mit Ihrer Beteiligung können wir es schaffen. Setzen Sie ein Zeichen für die taz und für die Zukunft unseres Journalismus. Mit nur 5,- Euro sind Sie dabei! Jetzt unterstützen
