„Landesverfaten vun de Free Hansestadt Bremen“
: „Andere führen Kriege um Sprache“
Dat babige Zitat is in de lüttje Fierstunn to düssen Anlass in‘t INS (Institut für Niederdeutsche Sprache) fullen. Dat lett uns nich bloots an de Kurden denken, de eer Spraak dat in de Türkei bit nüülich hen offiziell gor nich geven hett, sünnern ok – bit Europa politisch Realität worden is – an de Katalanen, de Walisers, de Finnen, de Swedisch hefft praten musst, de Bretonen, un Veele anners, ok de Basken. Kulturimperialismus in Reinkultur, so wiet as du kieken kunnst. De Franzosen harrn dat besünners hild.
Christian Weber himself, de Päsident vun de Börgerschop, hett dat Maakwark vörstellt. Op Hochdüütsch, versteiht sick, mit ¥n poor platte Zitaten, de sien Redenschriever em dor rinschustert hett.
Dat seker vigeliensche Spraakliche hett – nadatt mannig anner Fachlüüd kapituleert harrn – de witthoorige Carl V. Scholz övernahmen. Twee Johren hett dat duuert. Juristisch hett em Ruprecht Großmann bistahn.
Frerk Möller vun‘t INS hett in dat Thema inföhrt un den Överblick geven. He hett ok dorop henwiest, datt Bremen na MV, SH un HH dat vörletzte Bundesland mit plattdüütschen Spraakandeel is – bloots de Neddersassen staht noch achterann – dat een gültige plattdüütsche Verfaten vörwiesen kann. Un – so ward vull Stolt seggt – de ist nich bloots spraaklich, sünnern ok juristisch, dat meent verfassungsrechtlich, op den neesten Stand. As Vörbild för Minderheitenschuul worr dat eegens bundestauglich sien.
Dat Word Schuul heff ik nich kennt. ¥n Recht dorop hefft nich bloots Minderheiten an sik, man ok un sünnerlich Mudder un Kind, Eh¥ un Familie, de Jöögd, de Arbeit an sik, un der Arbeitskraft noch mol extra. Mag ween, dat is ¥n Regionalismus, de mi as Hamborger fremd is. Man bi Lindow steiht dat ok so.
Wat ward dor nich allens spekuleert: Över Bremen sien Egenstännigkeit op de een Sied und wo nootwennig op de anner Sied ¥n Nordtaat egens weer. Dor kunn¥ doch nu eenfach de annern Nordstaaten sik Bremen mit sien wunnerbore Verfaten ansluten. Denn is Freden an de Kulturfront. Bani Barfoot
