Multikulti, von wegen! De Bledl!

■ Schäl Sick Brass Band erzürnte im Moments eine Boarin

Olle sand gleich; die Wöilt is a große Familie: a G'red, so narrisch schee, daß ma einfach mißtrauisch wern muas. Denn a in jeder Familie gibts Kinder und Erwachsene – und dejenigen, de den Abwasch machan, während de andern feist vorm Fernseher rumlungern.

Kurz g'sogt: die Kölner Multikulti-Band Schäl Sick Brass Band des sand Faschisten. De sand zwar ned fremdenfeindlich, de sand viel schlimmer, die strotzen vor Diskriminierungen mitten in da Fremdenfreundlichkeit. Und wen hods moi wieder –troffn? De Bayern. Die werden in aller Freundlichkeit ausgelacht. Natürlich: es hät an jeden treffa kenna. Weil, selbst, wenn ma no so gründlich nochdenken duad, gibt es koan einzigen Grund, warum es ausgerechnet unser charmantes Volk im Süden sei mußte. Des is nur Zufall. Und trotzdem ist die Verunlimpfung des Bayerischen für uns Bayern natürlich besonders betrüblich. Soln de Kölner sich doch selba verarschn!

Wos war los? De Maryam Akjandy aus dem Iran hod arg schee gesunga. Die singt wia a durchdrahte Opernsängerin, genauso voglwild wie de Nina Hagen, waoast scho, die spinnate Gurgel mit de grossen Kindaaugn. Genau wia de Bezaubernde Jeanny. Und wias dann so nett mit–m Kopferl nickt, de Akjandy. Olle ihre greislichen, kasigen Kollegen aus Deitschland hörn ihr zua, ois war sie a Engel. Der oane schließt die Augen, der andere duat sie bewundernd anglotzen, da dritte verrennt sich im Nirwana. Und a des Publikum im Moments is hin und weg. – Und dann passierts. Dann blasen die Bläser einen echten bayerischen Marsch – und das ganze Publikum tut lachen, als hätten sie soeben einem Blondinenwitz glauscht. Das ist alles so ungerecht.

Wenn–s de Musiker arabisch oder afrikanisch ums Gemüt wird, mei, dann spuin die so scheene, schwierige Sachan. Aber kaum befällt sie des Boarische, do gibts dann nur no hmta. Aber des Boarische is ned nur hmta. Nur, des wissen de Bledl ned. Des miasatns aber wissn, weil nämlich: da Chef der ganzen Bande is a gstandna Bayer.

Nur guad, daß mir in Bayern unsere Ostfriesnwitze ham. Do können wir des ganze Unrecht heimzahln. Fronte liberation bavares